0:00
നവംബർ 3 മുതൽ സ്വകാര്യ ബസ് സമരം; പാലക്കാട് ബസ് ഉടമകൾ പ്രതിഷേധ മാർച്ച് നടത്തി
പാലക്കാട്: നവംബർ 3 മുതൽ സംസ്ഥാനത്ത് ആരംഭിക്കുന്ന സ്വകാര്യ ബസ് സമരത്തിന് മുന്നോടിയായി ബസ് ഉടമകളുടെ സംയുക്ത സമിതിയുടെ ആഭിമുഖ്യത്തിൽ പാലക്കാട് പ്രതിഷേധ മാർച്ച് നടത്തി. സ്റ്റേഡിയം ബസ് സ്റ്റാൻഡ് പരിസരത്തുനിന്ന് ആരംഭിച്ച മാർച്ച് കെഎസ്ആർടിസിയിലേക്കാണ് നടന്നത്.
സംയുക്ത സമിതി ജനറൽ കൺവീനർ ടി. ഗോപിനാഥൻ പ്രതിഷേധ മാർച്ച് ഉദ്ഘാടനം ചെയ്തു. ചെയർമാൻ ഗോകുൽദാസ് അധ്യക്ഷത വഹിച്ചു. സമിതി ഭാരവാഹികളായ വിദ്യാധരൻ, കെ. രാധാകൃഷ്ണൻ, എ.എസ്. ബേബി, ആർ. മണികണ്ഠൻ എന്നിവർ സംസാരിച്ചു.
