0:00
എന്നെ കാണുമ്പോൾ പേടി തോന്നുന്നുണ്ടോ ? ഉണ്ടെങ്കിൽ അതു നമ്മുടെ കാഴ്ചയുടേതല്ല, കാഴ്ചപ്പാടിന്റെ പ്രശ്നമാണ്’ ചർച്ചയായി
ഇരിഞ്ഞാലക്കുട :ഈ തട്ടമിട്ട എന്നെ കാണുമ്പോൾ വല്ല ഭയവും തോന്നുന്നുണ്ടോ?ഉണ്ടെങ്കിൽ അത് നമ്മളുടെ കാഴ്ചയുടെ പ്രശ്നമില്ല കാഴ്ചപ്പാടിന്റെ പ്രശ്നമാണ്, മിടുക്കിയായ നാലാം ക്ലാസുകാരി ആയിഷ ആനടിയിൽ നടത്തിയ പ്രസംഗം വൈറലായിരിക്കുന്നു. ഇരിഞ്ഞാലക്കുട പൊറത്തിശ്ശേരി കാർണിവലിലാണ് ഉന്നത വിദ്യാഭ്യാസ മന്ത്രി ആർ.ബിന്ദുവിനൊപ്പം നിന്നാണ് കൊച്ചു മിടുക്കി സദസിനെ ഇളക്കിമറിച്ച പ്രസംഗം നടത്തിയത്.
തട്ടമിട്ടതിന്റെ പേരിൽ പഠനം നിഷേധിച്ച ആ കൂട്ടുകാരിക്ക് വേണ്ടി ഞാനിത്രയെങ്കിലും ചെയ്തില്ലെങ്കിൽ പിന്നെ ഞാനിത്രയും നേരം പ്രശ്ങ്ങിച്ചിട്ട് വല്ല കാര്യവുമുണ്ടോ? അവർക്ക് ഇഷ്ടമുള്ള ഡ്രസ് അവർ ധരിക്കട്ടെ, ഇഷ്ടമുള്ള ഭക്ഷണം കഴിക്കട്ടെ. ഒരിത്തിരി ദയ മതി. മറ്റുള്ള മതങ്ങളെ റെസ്പെക്ട് ചെയ്യാനുള്ള മനസ്സ്. അത്രമതി ലോകം നന്നായിക്കൊള്ളും, താങ്ക് യു എന്ന് പറഞ്ഞാണ് പ്രസംഗം നിർത്തിയത്. പ്രസംഗം നിർത്തുമ്പോൾ സദസും വേദിയും നിറഞ്ഞ കയ്യടി നൽകിയപ്പോൾ മന്ത്രി ആർ.ബിന്ദു വെരിഗുഡ് എന്ന് പറഞ്ഞ് ചേർത്ത് പിടിച്ചു, നാളത്തെ നമ്മളുടെ നവകേരളത്തെ മുന്നിൽ നിന്ന് നയിക്കേണ്ട ഒരാളാണ് അയിഷക്കുട്ടി. ഇവിടെ ഇരിക്കുന്ന നമുക്കെല്ലാവർക്കും വലിയ പ്രചോദനം നൽകുന്ന വാക്കുകളാണ് ഈ കൊച്ചു മിടുക്കിയായ ആയിഷകുട്ടിയുടേതെന്നും കൂട്ടിച്ചേർത്തു
