0:00
പാലക്കാട് കൊടുമ്പിൽ ബൈക്കപകടം: രണ്ട് യുവാക്കൾ മരിച്ചു
പാലക്കാട്: കൊടുമ്പിൽ ബൈക്കപകടത്തിൽ രണ്ട് യുവാക്കൾ മരിച്ചു. ഗുഡ്സ് ഓട്ടോറിക്ഷയെ മറികടക്കാൻ ശ്രമിക്കുന്നതിനിടെയാണ് അപകടം ഉണ്ടായത്.
കുന്നത്തൂർ മേട് കനാൽ വരമ്പ് രവി യുടെ മകൻ രമേഷ് (40), കൊടുമ്പ് ഓലശ്ശേരി ഉണ്ണികൃഷ്ണന്റെ മകൻ മനോജ് (45) എന്നിവരാണ് മരിച്ചത്.
ഇന്ന് വൈകിട്ട് 6.45 ഓടെ കൊടുമ്പ് ഓലശ്ശേരി ഞായം കടവ് ആൽത്തറയ്ക്കു സമീപമാണ് അപകടം. പാലത്തുള്ളി ഭാഗത്ത് നിന്ന് കൊടുമ്പിലേക്കു വരികയായിരുന്ന ഇവർ സഞ്ചരിച്ച ബൈക്ക്, മുന്നിൽ പോയിരുന്ന ഗുഡ്സ് ഓട്ടോറിക്ഷയെ മറികടക്കുന്നതിനിടെ ഓട്ടോറിക്ഷയിൽ തട്ടി നിയന്ത്രണം വിട്ട് റോഡിലേക്ക് തെറിച്ചുവീഴുകയായിരുന്നു.
ഗുരുതരമായി പരുക്കേറ്റ ഇരുവരെയും ഉടൻ ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
