0:00
കോഴിക്കോട്ട് പുഴയിൽ കുളിക്കാനിറങ്ങിയ 17കാരി മുങ്ങി മരിച്ചു
കോഴിക്കോട്: കോഴിക്കോട്ടെ തോട്ടത്താങ്കണ്ടി പുഴയിൽ കുളിക്കാൻ ഇറങ്ങിയ 17 വയസുകാരി മുങ്ങിമരിച്ചു. നാദാപുരം സ്വദേശിനിയായ നജ (17)യാണ് മരിച്ചത്. കുറ്റ്യാടിപ്പുഴയുടെ ഭാഗമായ തോട്ടത്താങ്കണ്ടി പുഴയിൽ കൂട്ടുകാരോടൊപ്പം കുളിക്കാൻ ഇറങ്ങിയപ്പോഴായിരുന്നു ദാരുണ സംഭവം.
ചൊവ്വാഴ്ച രാവിലെ 11 മണിയോടെയായിരുന്നു അപകടം. മണ്ണൂരിലെ ബന്ധുവീട്ടിൽ സന്ദർശനത്തിനെത്തിയ നജ, സമീപവാസികളായ കൂട്ടുകാരോടൊപ്പം പുഴയിൽ കുളിക്കാനിറങ്ങുകയായിരുന്നു. കുളിക്കുന്നതിനിടെ നജ ഒഴുക്കിൽ പെട്ട് മുങ്ങിയതായി സംശയിക്കുന്നു.
നിലവിളി കേട്ട് സ്ഥലത്തെത്തിയ നാട്ടുകാർ ഉടൻ തന്നെ പെൺകുട്ടിയെ പുറത്തെടുത്ത് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കുറ്റ്യാടി ജനറൽ ആശുപത്രി മോർച്ചറിയിലേക്ക് മാറ്റി. സംഭവത്തിൽ പോലീസ് നടപടികൾ ആരംഭിച്ചിട്ടുണ്ട്.
