0:00
പത്താം ക്ലാസ് വിദ്യാർഥിക്ക് ക്രൂര മർദനം; പുറത്തുനിന്നെത്തിയ സംഘം ആക്രമിച്ചു
പാലക്കാട്: പത്താം ക്ലാസ് വിദ്യാർഥിക്ക് ക്രൂര മർദനം. പട്ടാമ്പി ഗവൺമെൻ്റ് ഹയർ സെക്കന്ററി സ്കൂളിലെ വിദ്യാർഥി മുഹമ്മദ് അബിസിനാണ് ആക്രമണത്തിൽ പരിക്കേറ്റത്.
സ്കൂളിൽ ഒമ്പതാം ക്ലാസ്–പത്താം ക്ലാസ് വിദ്യാർഥികൾക്കിടയിൽ നേരത്തെ തന്നെ ചില തർക്കങ്ങൾ നിലനിന്നിരുന്നു. ഇതുമായി ബന്ധപ്പെട്ടാണ് പുറത്തുനിന്നെത്തിയ സംഘം കുട്ടിയെ ആക്രമിച്ചതെന്നാണ് പ്രാഥമിക വിവരം.
കണ്ണിന് ഗുരുതരമായി പരിക്കേറ്റ മുഹമ്മദ് അബിസിനെ ഉടൻ സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തിൽ പട്ടാമ്പി പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
