0:00
കടബാധ്യത; കണ്ണൂരിൽ പുരസ്കാര ജേതാവായ കര്ഷകന് ജീവനൊടുക്കി
കണ്ണൂര്: കടബാധ്യതയെ തുടര്ന്ന് കണ്ണൂരില് ഒരു കര്ഷകന് ജീവനൊടുക്കി. ചെറുപുഴ സ്വദേശി ഏലിയാസ് അമ്പാട്ട് ആണ് മരിച്ചത്. ജീവനൊടുക്കല് ശ്രമത്തെ തുടര്ന്ന് ചികിത്സയിലിരിക്കെയാണ് മരണം സംഭവിച്ചത്.
മികച്ച പച്ചക്കറി കര്ഷകനുള്ള സംസ്ഥാന പുരസ്കാരം നേടിയ ഏലിയാസ്, സ്ഥലം പാട്ടത്തിനെടുത്താണ് കൃഷി ചെയ്തിരുന്നത്. കഴിഞ്ഞ മഴക്കാലത്ത് കനത്ത മഴയെ തുടര്ന്ന് കൃഷിക്ക് വലിയ നാശനഷ്ടങ്ങളുണ്ടായതോടെ സാമ്പത്തിക പ്രതിസന്ധി രൂക്ഷമായി. ഇതോടൊപ്പം കടബാധ്യതയും വര്ധിച്ചതാണ് ജീവനൊടുക്കലിലേക്ക് നയിച്ചതെന്നാണ് പ്രാഥമിക വിവരം.
സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്. കൃഷിനാശവും കടബാധ്യതയും മൂലം കര്ഷകര് നേരിടുന്ന പ്രതിസന്ധി വീണ്ടും ചര്ച്ചയാകുകയാണ്.
