0:00
മണ്ണാര്‍ക്കാട് വയോധിക ദമ്പതികള്‍ തൂങ്ങി മരിച്ച നിലയില്‍
പാലക്കാട്: മണ്ണാര്‍ക്കാട് ശിവന്‍കുന്നില്‍ വയോധികരായ ദമ്പതികളെ വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തി. ശിവന്‍കുന്ന് അങ്കണവാടിക്ക് സമീപം അമ്പലക്കളത്തില്‍ വീട്ടില്‍ അയ്യപ്പന്‍ (86), ഭാര്യ കല്യാണിക്കുട്ടി (76) എന്നിവരാണ് മരിച്ചത്.
തിങ്കളാഴ്ച ഇളയമകന്‍ രാജന്‍ വീട്ടിലെത്തിയപ്പോഴാണ് ഇരുവരെയും ഒരേ കയറില്‍ തൂങ്ങി മരിച്ച നിലയില്‍ കണ്ടെത്തിയത്. ഇരുവര്‍ക്കും വാര്‍ധക്യസഹജമായ അസുഖങ്ങള്‍ ഉണ്ടായിരുന്നുവെന്നാണ് വിവരം.
പ്രായമായതിനെ തുടര്‍ന്നുള്ള അവശതകളും മാനസിക വിഷമവുമാണ് ആത്മഹത്യയ്ക്ക് കാരണമെന്നാണ് പൊലീസിന്റെ പ്രാഥമിക നിഗമനം. വിവരമറിഞ്ഞ് പൊലിസ് സ്ഥലത്തെത്തി തുടര്‍നടപടികള്‍ സ്വീകരിച്ചു. മൃതദേഹങ്ങള്‍ പോസ്റ്റുമോര്‍ട്ടത്തിനായി താലൂക്ക് ആശുപത്രി മോര്‍ച്ചറിയിലേക്ക് മാറ്റി.
