0:00
പാലക്കാട് കാട്ടാന ആക്രമണം: മണ്ണാർക്കാട് ഫോറസ്റ്റ് വാച്ചർ മരിച്ചു
പാലക്കാട്: മണ്ണാർക്കാട് തിരുവിഴാംകുന്നിൽ കാട്ടാന ആക്രമണത്തിൽ ഫോറസ്റ്റ് വാച്ചർ മരിച്ചു. ഫോറസ്റ്റ് വാച്ചറായ ഷൈജു (28)വാണ് മരിച്ചത്.
ഇന്ന് വൈകിട്ട് നാലോടെയാണ് സംഭവം നടന്നത്. ജനവാസ മേഖലയിലേക്ക് ഇറങ്ങിയ രണ്ട് കാട്ടാനകളെ വനത്തിലേക്ക് തുരത്തുന്നതിനിടെ ഒരു കാട്ടാന അപ്രതീക്ഷിതമായി ആക്രമിക്കുകയായിരുന്നു. ആക്രമണത്തിൽ ഗുരുതരമായി പരിക്കേറ്റ ഷൈജുവിനെ നാട്ടുകാർ ചേർന്ന് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
സംഭവത്തെ തുടർന്ന് പ്രദേശത്ത് വനവകുപ്പ് ഉദ്യോഗസ്ഥരും റാപിഡ് റെസ്പോൺസ് സംഘവും പരിശോധന ശക്തമാക്കി. കാട്ടാനകളെ വീണ്ടും വനത്തിനുള്ളിലേക്ക് തിരിച്ചയയ്ക്കാനുള്ള ശ്രമം തുടരുകയാണ്.
