0:00
ഒറ്റയ്ക്ക് താമസിക്കുകയായിരുന്നു വയോധികനെ വീടിനുള്ളില്‍ മരിച്ച നിലയില്‍ കണ്ടെത്തി
പാലക്കാട്: വരോട് ഷാപ്പുംപടിയിൽ ഒറ്റയ്ക്ക് താമസിച്ചിരുന്ന വയോധികനെ വീടിനുള്ളിൽ മരിച്ച നിലയിൽ കണ്ടെത്തി. ഷാപ്പുംപടി പള്ളത്ത് വീട്ടിൽ ബാലസുബ്രഹ്മണ്യൻ (65) ആണ് മരിച്ചത്.
രണ്ടുദിവസത്തോളം പഴക്കമുള്ളതായി കരുതുന്ന നിലയിലായിരുന്നു മൃതദേഹം. രണ്ടുദിവസമായി ബാലസുബ്രഹ്മണ്യനെ പുറത്തേക്ക് കാണാതായതിനെ തുടർന്ന് സമീപത്തെ ചായക്കട നടത്തുന്നയാൾ അന്വേഷിച്ചെത്തുകയായിരുന്നു.
തുടർന്ന് വീടിനുള്ളിൽ നടത്തിയ പരിശോധനയിലാണ് സോഫയിൽ ബാലസുബ്രഹ്മണ്യനെ മരിച്ച നിലയിൽ കണ്ടെത്തിയത്. വിവരമറിയിച്ചതിനെ തുടർന്ന് അധികൃതർ സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി മൃതദേഹം പാലക്കാട് ജില്ലാ ആശുപത്രിയിലേക്ക് മാറ്റി.
