0:00
ശബരിമല സ്വർണക്കൊള്ള കേസ്; മുൻ ദേവസ്വം ബോർഡ് അംഗം കെ. പി. ശങ്കരദാസ് റിമാൻഡിൽ
കൊല്ലം:ശബരിമല സ്വർണക്കൊള്ളക്കേസിൽ മുൻ ദേവസ്വം ബോർഡ് അംഗം കെ. പി. ശങ്കരദാസിനെ 14 ദിവസത്തേക്ക് റിമാൻഡ് ചെയ്തു. കൊല്ലം വിജിലൻസ് കോടതി ജഡ്ജിയാണ് ആശുപത്രിയിലെത്തി റിമാൻഡ് ചെയ്തത്. ആരോഗ്യസ്ഥിതി കണക്കിലെടുത്ത് പ്രതിയെ ജയിലിലേക്ക് മാറ്റാതെ ആശുപത്രിയിൽ തുടരാൻ കോടതി അനുമതി നൽകി.
ഇന്നലെ ആശുപത്രിയിലെത്തിയാണ് പ്രത്യേക അന്വേഷണസംഘം ശങ്കരദാസിന്റെ അറസ്റ്റ് രേഖപ്പെടുത്തിയത്. കേസിലെ പതിനൊന്നാം പ്രതിയായ ശങ്കരദാസ്, എ. പത്മകുമാർ ദേവസ്വം ബോർഡ് ചെയർമാനായിരുന്ന കാലത്ത് ബോർഡ് അംഗമായിരുന്നു. ഇയാളെ അറസ്റ്റ് ചെയ്യാത്തതിൽ ഹൈക്കോടതി നേരത്തെ അന്വേഷണസംഘത്തെ രൂക്ഷമായി വിമർശിച്ചിരുന്നു.
