0:00
ബൈക്ക് മരത്തിലിടിച്ച് അപകടം; തൃശൂരിൽ ബന്ധുക്കളായ രണ്ട് വിദ്യാർഥികൾ മരിച്ചു
തൃശൂർ: മാള അണ്ണല്ലൂരിൽ ബൈക്ക് മരത്തിലിടിച്ച് ഉണ്ടായ അപകടത്തിൽ ബന്ധുക്കളായ രണ്ട് യുവാക്കൾ മരിച്ചു. കുറ്റിച്ചിറ സ്വദേശികളായ നീൽ ഷാജു (19), അലൻ ഷാജു (19) എന്നിവരാണ് മരിച്ചത്.
ചാലക്കുടിയിൽ നിന്ന് മാളയിലേക്ക് യാത്ര ചെയ്യുന്നതിനിടെ വ്യാഴാഴ്ച രാത്രി 11.45 ഓടെയായിരുന്നു അപകടം. ബൈക്കിന്റെ നിയന്ത്രണം വിട്ട് റോഡരികിലെ മരത്തിൽ ഇടിച്ചതാകാമെന്നാണ് പ്രാഥമിക നിഗമനം. ഗുരുതരമായി പരിക്കേറ്റ ഇരുവരെയും ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
നീൽ ഷാജു ബംഗളൂരുവിൽ ഹോട്ടൽ മാനേജ്മെന്റ് വിദ്യാർഥിയും അലൻ ഷാജു പുല്ലൂറ്റ് ഐടിഐയിലെ വിദ്യാർഥിയുമാണ്. സംഭവത്തിൽ പൊലീസ് അന്വേഷണം ആരംഭിച്ചു.
