തച്ചംപാറയിൽ ഭീതി വിതച്ച പുലി കൂട്ടിലായി; നാളുകളിലെ ആശങ്കയ്ക്ക് വിരാമം
പാലക്കാട്: കഴിഞ്ഞ കുറച്ചു ദിവസങ്ങളായി മണ്ണാര്ക്കാട് തച്ചംപാറ നിവാസികളുടെ ഉറക്കം കെടുത്തിയ പുലി ഒടുവിൽ വനംവകുപ്പിന്റെ കെണിയിൽ കുടുങ്ങി. തച്ചംപാറ ചെന്തുണ്ട് ഭാഗത്ത് സ്ഥാപിച്ച കൂട്ടിലായിരുന്നു ഇന്ന് പുലർച്ചെയോടെ പുലി അകപ്പെട്ടത്.
കഴിഞ്ഞ ദിവസം പ്രദേശവാസിയുടെ ആറുമാസം പ്രായമുള്ള പശുക്കിടാവിനെ പുലി പിടിച്ചുകൊന്ന് കൊലപ്പെടുത്തിയിരുന്നു. ജനവാസ മേഖലയിൽ പുലി പതിവായി ഇറങ്ങിത്തുടങ്ങിയതോടെ നാട്ടുകാർ വലിയ പ്രതിഷേധവുമായി രംഗത്തെത്തിയിരുന്നു. ഇതേത്തുടർന്നാണ് വനംവകുപ്പ് അടിയന്തരമായി സ്ഥലത്ത് കൂട് സ്ഥാപിച്ചത്.
ഏകദേശം അഞ്ച് വയസ് പ്രായമുള്ള പുലിയെയാണ് കൂട്ടിലായത്. വനംവകുപ്പ് ഉദ്യോഗസ്ഥർ പുലിയുടെ ആരോഗ്യനില പരിശോധിച്ചു വരികയാണ്. പ്രാഥമിക പരിശോധനകൾക്ക് ശേഷം പുലിയെ ഉൾക്കാട്ടിലേക്ക് തുറന്നുവിടാനാണ് വനംവകുപ്പിന്റെ തീരുമാനം.
പാലക്കാട് ജില്ലയിൽ വന്യമൃഗശല്യം അതീവ ഗുരുതരമായി തുടരുകയാണ്. കഴിഞ്ഞ ഒന്നര മാസത്തിനിടെ ജില്ലയുടെ വിവിധ ഭാഗങ്ങളിൽ നിന്നായി കൂട്ടിലാകുന്ന നാലാമത്തെ പുലിയാണിത്. കാടിറങ്ങുന്ന വന്യമൃഗങ്ങളെ തടയാൻ ശാശ്വത പരിഹാരം വേണമെന്ന ആവശ്യമാണ് മലയോര മേഖലയിലെ ജനങ്ങൾ ഉയർത്തുന്നത്.
