0:00
പാലക്കാട് 13 വയസ്സുകാരനെ വീടിനുള്ളിൽ മരിച്ച നിലയിൽ കണ്ടെത്തി: എലപ്പുള്ളി മേലേ പോക്കാംതോട് സ്വദേശി വിശ്വജിത്താണ് മരിച്ചത്
പാലക്കാട്: എലപ്പുള്ളി മേലേ പോക്കാംതോട് സ്വദേശിയായ 13 വയസ്സുകാരനെ വീടിനുള്ളിൽ മരിച്ച നിലയിൽ കണ്ടെത്തി. വിശ്വജിത് എന്ന കുട്ടിയാണ് മരിച്ചത്. കൊഴിഞ്ഞാമ്പാറ സെന്റ് പോൾസ് സ്കൂളിലെ ഏഴാം ക്ലാസ് വിദ്യാർത്ഥിയാണ്.
ഇന്ന് രാവിലെ 9.30 ഓടെയാണ് സംഭവം പുറത്തറിഞ്ഞത്. മാതാപിതാക്കൾ ജോലിക്കായി പുറത്തുപോയ സമയത്തായിരുന്നു സംഭവം. പിതാവ് വീട്ടിൽ തിരിച്ചെത്തിയപ്പോഴാണ് കുട്ടിയെ തൂങ്ങിയ നിലയിൽ കണ്ടെത്തിയത്. ഉടൻ തന്നെ പാലക്കാട് ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
സംഭവത്തിൽ പാലക്കാട് കസബ പൊലീസ് അന്വേഷണം ആരംഭിച്ചു. പൊലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. മൃതദേഹം നിലവിൽ പാലക്കാട് ജില്ലാ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. മരണകാരണം സംബന്ധിച്ച കൂടുതൽ വിവരങ്ങൾ പൊലീസ് അന്വേഷണം തുടരുകയാണ്.
