എലപ്പുള്ളിയിൽ ഏഴാം ക്ലാസ് വിദ്യാർഥി വീട്ടിനുള്ളിൽ തൂങ്ങിമരിച്ച നിലയിൽ
പാലക്കാട്:എലപ്പുള്ളി മേലേ പോക്കാംതോട് സ്വദേശിയായ 13 വയസ്സുകാരനെ വീടിനുള്ളിൽ മരിച്ച നിലയിൽ കണ്ടെത്തി. ശിവപ്രസാദിന്റെ മകൻ വിശ്വജിത്താണ് മരിച്ചത്. കൊഴിഞ്ഞാമ്പാറ സെന്റ് പോൾസ് സ്കൂളിലെ ഏഴാം ക്ലാസ് വിദ്യാർത്ഥിയായിരുന്നു.
ഇന്ന് രാവിലെ 9.30ഓടെയാണ് സംഭവം പുറത്തറിയുന്നത്. മാതാപിതാക്കൾ ജോലിക്കായി വീട്ടിൽ നിന്ന് പുറത്തുപോയ സമയത്തായിരുന്നു സംഭവം. പിതാവ് വീട്ടിൽ തിരിച്ചെത്തിയപ്പോഴാണ് കുട്ടിയെ അവശനിലയിൽ കണ്ടെത്തിയത്. ഉടൻ തന്നെ പാലക്കാട് ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മരണകാരണം വ്യക്തമായിട്ടില്ല. സംഭവത്തിൽ പാലക്കാട് കസബ പൊലീസ് അന്വേഷണം ആരംഭിച്ചിട്ടുണ്ട്. ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പാലക്കാട് ജില്ലാ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. മരണകാരണം സംബന്ധിച്ച കൂടുതൽ വിവരങ്ങൾ പൊലീസ് അന്വേഷിച്ചുവരികയാണ്.
മാതാവ് സജിത റെയിൽവേ ജീവനക്കാരി, കോയമ്പത്തൂർ, സഹോദരൻ മൃദുൽ പത്താം ക്ലാസ് വിദ്യാർത്ഥിഎന്നിവരാണ്
