പാതിവില തട്ടിപ്പ്: ബിജെപി നേതാവ് എ എൻ രാധാകൃഷ്ണനെതിരെ കേസ്
കൊച്ചി: പാതിവിലയ്ക്ക് വാഹനം നൽകാമെന്ന് വാഗ്ദാനം നൽകി തട്ടിപ്പ് നടത്തിയെന്ന പരാതിയിൽ ബിജെപി നേതാവ് എൻ. എൻ. രാധാകൃഷ്ണൻ ഉൾപ്പെടെ നാല് പേർക്കെതിരെ പൊലീസ് കേസ് രജിസ്റ്റർ ചെയ്തു. പറവൂർ സ്വദേശിയുടെ പരാതിയിൽ തൃക്കാക്കര പൊലീസാണ് കേസെടുത്തത്.
എൻ. എൻ. രാധാകൃഷ്ണൻ, സുമേഷ് രൂപേഷ് മേനോൻ, കെ. ടി. ബിനീഷ് എന്നിവർക്കെതിരെയാണ് കേസ്. രാധാകൃഷ്ണൻ നേതൃത്വം നൽകുന്ന സന്നദ്ധ സംഘടനയുടെ പേരിലാണ് തട്ടിപ്പ് നടന്നതെന്നാണ് പരാതിയിൽ പറയുന്നത്.
സന്നദ്ധ സംഘടന വഴി പാതിവിലയ്ക്ക് ഇരുചക്രവാഹനം നൽകാമെന്ന് വാഗ്ദാനം ചെയ്ത് പരാതിക്കാരനിൽ നിന്ന് 63,500 രൂപ കൈപ്പറ്റിയതായും, സംഭവം നടന്നിട്ട് രണ്ട് വർഷം കഴിഞ്ഞിട്ടും പണമോ വാഹനമോ ലഭിച്ചിട്ടില്ലെന്നുമാണ് പരാതി.
കേസുമായി ബന്ധപ്പെട്ട് എൻ. എൻ. രാധാകൃഷ്ണൻ ഉൾപ്പെടെയുള്ള പ്രതികളുടെ ബാങ്ക് അക്കൗണ്ടുകൾ പരിശോധിച്ച ശേഷമായിരിക്കും തുടർ നടപടികൾ സ്വീകരിക്കുകയെന്ന് തൃക്കാക്കര പൊലീസ് അറിയിച്ചു.
