0:00
വനവിഭവങ്ങൾ ശേഖരിക്കാൻ പോയ വനം വകുപ്പ് വാച്ചർക്ക് കാട്ടാന ആക്രമണത്തിൽ ദാരുണാന്ത്യം
തൃശൂർ: വാഴച്ചാൽ പുകലപ്പാറയിൽ കാട്ടാനയുടെ ആക്രമണത്തിൽ വനം വകുപ്പ് വാച്ചർ മരിച്ചതായി റിപ്പോർട്ട്. പെരിങ്ങൽക്കുത്ത് ഡാമിന് സമീപം വനവിഭവങ്ങൾ ശേഖരിക്കാൻ പോയ 46-കാരനായ സുന്ദരൻ ആണ് ദാരുണമായി കൊല്ലപ്പെട്ടത്.
സംഭവസമയത്ത് കാട്ടാനയ്ക്ക് മുന്നിൽ പെട്ട സുന്ദരന് ഗുരുതരമായി പരിക്കേറ്റു. ഉടൻ ആശുപത്രിയിലേക്ക് മാറ്റിയെങ്കിലും, തൃശ്ശൂർ മെഡിക്കൽ കോളേജ് ആശുപത്രിയിലേക്ക് കൊണ്ടുപോകുന്നതിനിടെ മരണം സംഭവിച്ചതായി അധികൃതർ അറിയിച്ചു.
സംഭവത്തിൽ വനം വകുപ്പ് അന്വേഷണം ആരംഭിച്ചിട്ടുണ്ട്. വനമേഖലയിൽ മനുഷ്യ-വന്യജീവി സംഘർഷം വർധിക്കുന്ന സാഹചര്യത്തിൽ കൂടുതൽ സുരക്ഷാ നടപടികൾ ആവശ്യപ്പെട്ട് പ്രദേശവാസികളും രംഗത്തെത്തി.
