0:00
പൂച്ചയിൽനിന്ന് പേവിഷബാധയേറ്റു; എഴു വയസ്സുകാരി കുഴഞ്ഞുവീണ് മരിച്ചതിൽ കണ്ടെത്തൽ
തൃശൂർ: ഏഴുവയസ്സുകാരി കുഴഞ്ഞുവീണ് മരിക്കാൻ കാരണം പേവിഷബാധയേറ്റതാണെന്ന് നിഗമനം. താഴപ്ര സ്വദേശി സൻഹ മെഹ്റിൻ ഏപ്രിൽ 28നാണ് മരിച്ചത്. വീട്ടിലെ പൂച്ചയിൽനിന്നുണ്ടായ പേവിഷബാധയാകാമെന്നാണ് സംശയം. കുട്ടിയുമായി സമ്പർക്കം പുലർത്തിയവരോട് വാക്സിൻ എടുക്കാൻ ആരോഗ്യവകുപ്പ് നിർദേശം നൽകി.
ബന്ധുവീട്ടിലേക്ക് പോകുംവഴിയാണ് കുട്ടി കുഴഞ്ഞുവീണത്. വായിൽനിന്ന് നുരയും പതയും വന്നതായി കണ്ടെത്തി. വിശദമായ പരിശോധനയിലാണ് കുട്ടിക്ക് പേ വിഷബാധ ഏറ്റിരുന്നതായി കണ്ടെത്തിയത്. തുടർന്ന് ആരോഗ്യവകുപ്പ് ഉദ്യോഗസ്ഥർ സൻഹയുടെ വീട്ടിൽ പരിശോധന നടത്തിയപ്പോൾ വളർത്തുപൂച്ചകൾ ഉള്ളതായി കണ്ടെത്തി. ഇവയുമായി അടുത്തിടപെട്ടപ്പോൾ വിഷബാധ ഏറ്റിരിക്കാമെന്നാണ് കരുതുന്നത്.
താഴപ്ര കോടംകുന്നത്ത് വീട്ടിൽ അലി സഖാഫിയുടെയും സഫ്നയുടെയും മകളാണ് സൻഹ. സഹോദരൻ: സഹൽ
