0:00
കാസർഗോഡ് പാമ്പ് കടിയേറ്റ് ചികിത്സയിലായിരുന്ന നാലര വയസുകാരി മരിച്ചു
കാസർകോട് :കാഞ്ഞങ്ങാട് മൂർഖൻ പാമ്പിന്റെ കടിയേറ്റ് പരിയാരം മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന നാലരവയസുകാരി മരിച്ചു. വെള്ളരിക്കുണ്ട് താലൂക്കിലേ , എളേരിത്തട്ട്, തൊട്ടി ഉന്നതിയിലെ കുറുവാട്ട് വീട്ടിൽ ശരത് ചന്ദ്രൻ- അജിത ദമ്പതികളുടെ മകൾ ഋതു ചന്ദ്ര (നാലര)യാണ് ഇന്ന് ഉച്ചയോടെ പരിയാരം മെഡിക്കൽ കോളേജ് ആശുപത്രിയിൽ മരണത്തിനു കീഴടങ്ങിയത്. തിങ്കളാഴ്ചയാണ് വീട്ടു മുറ്റത്ത് വച്ചു കുട്ടിക്ക് പാമ്പിൻ്റെ കടിയേറ്റത്.ഉടൻ തന്നെ നർക്കിലക്കാട് പ്രാഥമികാരോഗ്യ കേന്ദ്രത്തിൽ എത്തിച്ചുവെങ്കിലും ഗുരുതരമായതിനാൽ പരിയാരം മെഡിക്കൽ കോളേജ് ആശുപത്രിയിൽ എത്തിക്കുകയായിരുന്നു.
വെന്റിലേറ്ററിൽ ചികിത്സയിലായിരുന്നു.
ജില്ലയിൽ വേനൽക്കാലം ആരംഭിച്ച ശേഷം ആദ്യമായുണ്ടായ പാമ്പു കടിയേറ്റുള്ള മരണമാണ് ഋതുനന്ദയുടേത്.
