മണ്ണുത്തി-വടക്കഞ്ചേരി ദേശീയപാതയില് അപകടം: രണ്ടുപേര് മരിച്ചു
പാലക്കാട്: മണ്ണുത്തി- വടക്കഞ്ചേരി ദേശീയപാത ചുവന്നമണ്ണില് നീര്പ്പാലത്തിന്റെ തൂണില് കാര് ഇടിച്ചുകയറി രണ്ടുപേര് മരിച്ചു. പെരിഞ്ഞനം നടയ്ക്കല് വീട്ടില് രാജലക്ഷ്മി (75), വിലാസിനി (78) എന്നിവരാണ് മരിച്ചത്. വാഹനം ഓടിച്ച ശ്രീഹരി, അച്ഛന് ബാബു, അമ്മ ഷീജ എന്നിവര്ക്ക് ഗുരുതരപരിക്കേറ്റു. ഞായറാഴ്ച വൈകുന്നേരം ആറുമണിക്കായിരുന്നു അപകടം.
പാലക്കാട് തത്തമംഗലത്ത് നിന്ന് തിരിച്ചുവരുന്ന വഴിയാണ് അപകടമുണ്ടായത്. നിയന്ത്രണം നഷ്ടപ്പെട്ട കാര് റോഡിന് നടുവിലുള്ള കോണ്ക്രീറ്റ് ബാരിക്കേഡില് ഇടിച്ചു കയറി 30 മീറ്ററോളം സഞ്ചരിച്ചാണ് നീര്പ്പാലത്തിന്റെ തൂണില് ഇടിച്ചു കയറിയത്. റോഡരികില് സ്ഥാപിച്ചിട്ടുള്ള സൂചന ബോര്ഡും കാര് ഇടിച്ച് തകര്ത്തു.
യൂ ടേണ് അടച്ച് കെട്ടിയത് മൂലം ആംബുലന്സ് അപകടസ്ഥലത്ത് എത്താന് 20 മിനിറ്റോളം വൈകി. ഇതിനെ തുടര്ന്ന് നാട്ടുകാര് പ്രതിഷേധവുമായി റോഡില് തടിച്ചുകൂടി.
